លោក ម៉ៅ អាយុទ្ធ អ្នកដឹកនាំ​រឿង​ «ហ្លូងព្រះស្ដេច​កន​» ត្រូវ​បាន​រក​ឃើញ​ថា​វិជ្ជមាន​ជំងឺ​កូវីដ-១៩

លោក ម៉ៅ ​អាយុទ្ធ ​រដ្ឋលេខាធិការ​ក្រសួង​ព័ត៌មាន និង​ជា​អ្នក​ដឹកនាំ​រឿង​ «ហ្លូងព្រះស្ដេច​កន» រឿង «នេសាទក្រពើ» និងរឿងល្បីៗជាច្រើនទៀត ត្រូវ​បាន​គេ​រក​ឃើញ​ថា​វិជ្ជមាន​ជំងឺ​កូវីដ-១៩។ ព័ត៌មាន​បឋម​ពី​គ្រូ​ពេទ្យ​ជំនាញ​បានប្រាប់​ នៅ​ព្រឹក​ថ្ងៃ​ទី៧ ខែ​មេសា ឆ្នាំ២០២១នេះ ថា លោក ម៉ៅ អាយុទ្ធ ត្រូវ​បាន​គ្រូពេទ្យ​ដឹក​យក​ទៅ​សម្រាក​ព្យាបាល​ជំងឺ​ផ្លូវដង្ហើមនេះ​នៅ​មន្ទីរពេទ្យ​មិត្តភាព​ខ្មែរ-សូវៀត​ហើយ។

ប្រភព​ដដែល​បញ្ជាក់​ថា លោក ម៉ៅ អាយុទ្ធ មាន​អាយុ៧៧ឆ្នាំ រស់នៅភូមិ០៧ សង្កាត់បឹងរាំង ខណ្ឌដូនពេញ រាជធានីភ្នំពេញ ពិតបានឆ្លងកូវីដ-១៩ ហើយលោកបានចូលសម្រាក និងព្យាបាលជំងឺកាលពីថ្ងៃទី៥ ខែមេសា ឆ្នាំ២០២១។

លោក ម៉ៅ អាយុទ្ធ ត្រូវបានគេស្គាល់ថាជាមន្រ្តីជាន់ខ្ពស់ម្នាក់ និងជាផលិតករភាពយន្តដ៏ល្បីឈ្មោះ១រូប ក្នុងចំណោមផលិតករជើងខ្លាំងដ៏ទៃទៀត ដោយមានស្នាដៃជាច្រើនក្នុងវិស័យសិល្បៈខ្មែរ ក្នុងនោះមានស្នាដៃផលិតខ្សែភាពយន្តខ្សែវីដេអូចម្រៀងកាយវិការកំណាព្យប្រលោមលោកជាដើម។

ខ្សែភាពយន្តដ៏ល្បី ដែលជាស្នាដៃរបស់លោក និងមានភាពល្បីល្បាញនោះ គឺរឿង”នេសាទក្រពើ” កាលពីអំឡុងឆ្នាំ២០០៣ និងរឿង “ហ្លួងព្រះស្តេចកន” កាលពីឆ្នាំ២០១៦កន្លងទៅ៕រដ្ឋមន្រ្ដីក្រសួងព័ត៌មានប្រាប់សមាគមទូរទស្សន៍ថា កុំភ្លេចស្មារតី  នៃពិធីបុណ្យចូលឆ្នាំខ្មែរ តែក៏កុំធ្វើយ៉ាងណាខុសពីបទបញ្ជារបស់ប្រមុខ ...

សម្រួលដោយ ៖ ឡាយ កុល